Сентябрьла 21-личив Дагъистан Республикализи  кIел бархIилис архIяличи вакIиб РФ-ла Правительствола Председательла заместитель, Северла Кавказла Федерацияла округлизив РФ-ла Президентла АрагIерти ихтиюртачилси вакил Александр Хлопонин. МяхIячкъалализи вакIибмад, А.Хлопонин Дагъистан Республикала Президент МяхIяммадсалам МяхIяммадовличил гьуниваиб.

ИшбархIи Россиялизир 7 партия дузули сари. Илда­зибад ца саби «Россияла патриотуни». Илини 79 реги­онна партияла 84995 адам алавбуцили саби. Шел дусла духIнар патриотунани 50 регионнизир дурадуркIути выбортазир бутIакьяндеш дариб. Мерличиб чули чус гьуни чебиахъути органтазиб, партияла мурадуни гьаладирхьули, 146 депутат бузули саби.

Сентябрьла 19-личив ДР-ла Президент МяхIяммадсалам МяхIяммадов Россияла футболла Сергей Фурсенкони бекIдеш дируси Союзла делегацияличил гьуниваиб. Илизир бутIакьяндеш дариб ДР-ла Халкьла Собраниела Председатель МяхIяммад-СултIан МяхIяммадовли, ДР-ла Президентла ва Правительствола Администрацияла БекI ХIясан Идрисовли, ДР-ла Правительствола Председа­тель­ла Цаибил заместитель Низами Казиевли, ДР-ла багьу­ди­ла ва гIилмула министр МяхIяммадфазил ГIязизовли, ДР-ла физическая культурала ва спортла шайчивси министр АрслангIяли МуртазагIялиевли, Дагъиста футболла Союзла  президент Будун Будуновли.

ЖумягI бархIи, сентябрьла 17-личиб, инвестортала  Хал­кьани-ургабси IХ-ибил форумли­чир бутIакьяндеш дарес Сочилизи вакIибси ДР-ла Президент Мя­хIям­мадсалам МяхIяммадовли «Россия 24» каналличил ихтилат дураберкIиб.

Сентябрьла 15-личиб, Мя­хIяч­къалализиб, Р.ХIям­за­товла уличилси Миллатла библиотекализиб, 2010-ибил дуслизиб, бусурмантала цадеш ва бал­гундеш имцIадиахъес ибси жи­лиуб хIяж дурабуркIнила ма­съултас хасбарибси Лебил Россияла совещание дура­бер­кIиб.

Иш дусла августличиб Ша­милла районна Хучадала шилизир цIадикниличибли ара­гIеб хъалибарг (бегIти ва хIя­бал дур­хIя) алхун. Илдала децI бу­тIес ши­лизи аркьути нуша гьун­чир бе­хIемцIлизи дикира. Дудеш лев мерличив таман­кайуб, мицIирли калунти ну­ша хIябалра биалли, дяхъи-хъас­лизи дикили, Лавашала районна больницализи ка­дар­кьира.

Ахъушала районна машгьурти хьунул адамтачила жуз дураахъес кьасбарибси районна хьунул адамтала Советла председатель ГIябдуллаева ПатIимат Аминовнани чучила белкIес лайикьти хьунул адамтала уми гиб. Гьалар-гьаларти умазиб лебри ГIисаева ПатIимат Айгубовналара. Лерри илала гIямруличила ва бузериличила бурути баянти. ПатIиматличила белкI таманхIебиубли лебалли, марайси хабарла бакьира — ил пергер хьунул адам гIямрулизирад шалгIеррухъи сари.

Ил узуси мерличибси биштIаси кабинет.  Илаб бацIси гIямзи-мер агара. Жузи, жузи… Столра халаси ахIенри. Илра жузани ва кагъуртани буцилри. Гьар бархIи Югла Осетияла НИИ-ла юртлтзибси «пукьализив»   узули кам­хIей­рар.

УркIила хьулани детерхахъес виъни адамла талихI саби. Ил шайчив ункъли бажардиикибси ГIяллаев МуртазагIяли ГIяхIмадхановичличила саби иш белкI. Илала гIямрула къантIти баянти:

Нушаб ашкарси саби: сагадеш саби-сабил дакIухIе­бул­хъан, саби-сабил лебра хIякьян. ВегIли деркIибти гIямрулизиб бегIлара гIяхIсигъуна чIумабиахъубли, имцIабиахъубли гIелаб батес хIяжатбиркур вегIла баркь­-бац­личил.

Чулахъ адам чихъли чейути замунти ляркьниличи ну вирхулра. ИшбархIи пачалихъли сунела лерилра имканти ва цIакьани гIяйсначи, коляскабачи хъарахъибтала гIямрула шуртIри къулайдарес, кункдиахъес, сунела челукьутачил цунни хIебатес дяхIчиаили сари. Чулахъ, вари-вари, уркIецIиличи ахIен хIяжатиркусину, пачалихъла шайзирадти къулайдешуначи сай. 

Арбякьунси дусла кризисличи хIерхIеили, Россиялизибти миллиардерти кIинали имцIабиуб -- 32-личибад 62-личи абикиб. Илдигъунти баянти кадирхъули сари «Форбс» журналли. Ил багьандан журналра нушачиб тIинтIбикIули саби. Россиялизибра илала хIянчизартани доллартала миллиардерти или бурули саби.

Чи сейкIалра, нушала дагьри бархIиличи бархIи дархибтили, кабизаагартили детарули сари. Чеабиуси наслу хъумкартурли чебиур пачалихъли, школали, жамигIятли ва, гьайгьай, нуша бегIтани. Иш мерличиб хатIала бегI саби хIукумат.