ГлавнаяРегистрацияВход путь дарго
Джан дерхъаб! Гlямру дерхъаб!

Вторник, 07.12.2021, 17:46
  Мой Дагестан Приветствую Вас гость | RSS

 
 
Главная » Статьи » Литература

Айшат Курбанова. Стихи для детей на даргинском
Тап

- Журугси тап!
-Дянг-дянг?
-Хlяз бирехlев?
-Дянг-дянг.
-Арцахъишив?
-Дянг-дянг!
-Лайбакlишив?
-Дянг-дянг...
-Дикахъишав?
-Дянг-дянг...
-Гьимбуркlуду?
-Дянг-дянг.
-Се бикlуда?
-Дянг!Дянг!
-Се баллада?
-Дя-я-янг! Дянг!


*****

Гlяхlнукья

Се касалра Гlяхlмадли
Бялчули саби хапли,
Чис-дигара диргала
Улхъухlели кьас-кьасли.
Уршила "уюнтани"
Неш сари рамсахъурли,
Сецад маймайрикlалра,
Вайбаркьуна виркьули.
- Цайналра лехlизигу,
Агь, байтарман, вайнукья!
- Лехlизурли дигалли,
Вайнукья хlерикlули,
Рикlен гьатlи "Гlяхlнукья".

**********

Хала нешра Вяхlидра

Дуцlрумла каникултас
Вяхlид шилизи вакlиб,
Хала нешлис икьала
Барес ил алаввакlиб.
Кайсуси балтахъули,
Хала неш рургъесрииб.
"Бати!" ибси хlергъуси
Хъяшачи кьакьаракlиб:
- «Хlед шин лерхулра» или
Дила къянари бячун...
Вабабай!
«Улкьай ушкисра» или
Ибкьизур – шиша бячун…
Вададай!
«Вавни далхулра» или
Помидорти ганздариб...
Вай гьарай!
«Лишанчи сайра» или
Хlяркад жита бебшахъиб...
Валлалай!
Тlаслизи дамдирхъули,
Жаняхl кlухбикlесаиб...
Ваппабай!
Кумек агарли руус, ва биллагь...
Гlяхlдеш агарли руус, ва заллагь...
Ну паргъатли ратасли,
Диги, ва занубиллагь...

***********

Яхlъя

Хlязтази ихъул Яхlъя дурутачи лехlхlелзан,
Кьанни шакикибсиван хьарикlес алавулхъан.
- Яхlъя, дурсри дечlунрив?
- Ягь? Се ири?
- Хlуни дурсри делкlунрив?
- Ягь? Се ири?
- Мисалти арзилирив?
- Ягь? Се ирив?
- Ягъари, нешлисалра хlуни кумекбаририв?
- Ягь? Се ири?
- Хялис нергь ардухирив?
- Ягь? Се ири?
- Агь, гlянцlа! Житалсалра хlуни ниъ кертlибсирив?
- Ягь? Се ири?
- Ва Яхlъя, дахъ бизити кампетуни хlед гишав?
- Гlе, гъари!



Источник: https://www.facebook.com/groups/380592065716954/posts/1277858922656926/
Категория: Литература | Добавил: дарго (07.10.2021)
Просмотров: 60 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
 
 
Форма входа


Категории раздела
Адаты [30]
Властные структуры [10]
Города и села [35]
Даргинский язык [38]
Имена Дарго [76]
Ислам [34]
История и география [94]
Кухня [14]
Литература [54]
Население [9]
Научно-популярное [93]

Поиск

Наш опрос
Верите ли Вы в гороскопы?
1. Нет, не верю!
2. Не верю, но интересно
3. Что-то в этом есть
4. Да, конечно!
Всего ответов: 83

Статистика


Онлайн всего: 3
Гостей: 3
Пользователей: 0
 

 

Copyright MyCorp © 2021
Сайт создан в системе uCoz