ГлавнаяРегистрацияВход путь дарго
Джан дерхъав!

Среда, 20.03.2019, 02:18
  Мой Дагестан Приветствую Вас гость | RSS

 
 
Главная » Статьи » Литература

Абдулла-хlяжи урахинский
Дару Дагъистан

Ватlан бигнира има байхъу саби
Гьар вагlла муса вагlлис джаннат саби
Гьажра зияратра бахъ дурхъал саби
Нахlа гlяхlли хьалъин, Дару Дагъистан.

Таваггал Аллагь, хlузиб саби рвяхlман
Къийин беллира батис вагlла макан
Ахlинни хlура ахlбигисил Ватlан
Нахlа гlяхlли хьалъин, Дару Дагъистан.

Акlун бис хlузибра чум-чумра вали
Хlу асибла Абулмуслим-имамли
Ахlинниго хlу намра ахlбигули
Нахlа гlяхlли хьалъин, Дару Дагъистан.

Аллагьли уркlила мурад баали
Нагагь байтуллагь шибаис бихьали
Гlур ну хlучу вакlис кьадар ахlбели
Нахlа гlяхlли хьалъин, Дару Дагъистан.

Мурувват, яхl, шужягlят, ламус хlузиб
Баракат, нур, гlибадат, тlагlят хlузиб
Мягlсият гlядат либ белира хlузиб
Нахlа гlяхlли хьалъин, Дару Дагъистан.

Салам беб хlузибти гlябидунаши.
Салам беб хlузибти загьидунаши.
Салам беб муълилташи, хьуннилташи.
Нахlа гlяхlли хьалъин, Дару Дагъистан.

Хасти саламти деб устадунаши
Расулуллагьла гьуни буцибташи
Гьанна вахъ хlяжатлирану хlушаши
Нахlа гlяхlли хьалъин, Дару Дагъистан.

Гlурра саламти деб нам биганташи
Нам игlянат ихlсан хьадихьибташи
Нам дикlарихьни жапабулхъанташи
Нахlа гlяхlли хьалъин, Дару Дагъистан.

Гьар инсан хьуликlор мурадли ваис
Ишбархlи - ца, жагlял - итил бякьис
Кьадарра сен сабел ахlирарну багьис
Нахlа гlяхlли хьалъин, Дару Дагъистан.

Дунья ахlин нушим бакьала хъали
Хьалъни битагьалла сицад гlиркъали
Бибкlара сабину къарши либкьвяли
Нахlа гlяхlли хьалъин, Дару Дагъистан.

Дунья, хlу сабри ахиратла базар
Ахlбирар хlузиб гьеч гlякьилти къарар
Кьас бикьуллану асис дарур къарар
Нахlа гlяхlли хьалъин, Дару Дагъистан.

«Аллагь» дикlухъули гьар даимал уркlби
Дикlар ирхьуллану дисули хlулби
Васият, ва дила узби, хlушази,
Нахlа гlяхlли хьалъин, Дару Дагъистан.

Васият хlушази, ва дила узби,
«Аллагь» дикlвихъни гьар даим уркlби
Дикlар ирхьуллану дисули хlулби,
Нахlа гlяхlли хьалъин, Дару Дагъистан.

Гlябдуллагь, пякьир, хlуд бякьибил нигlмат
Аллагьли хlуд гибил холал шабагьат
Алхlямдулиллагь ибну исти тlагlят
Нахlа гlяхlли хьалъин, Дару Дагъистан.
Категория: Литература | Добавил: дарго (02.03.2019)
Просмотров: 17 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
 
 
Форма входа


Категории раздела
Адаты [27]
Властные структуры [10]
Города и села [34]
Даргинский язык [34]
Имена Дарго [76]
Ислам [34]
История и география [92]
Кухня [14]
Литература [53]
Население [9]
Научно-популярное [91]

Поиск

Наш опрос
Верите ли Вы в гороскопы?
1. Нет, не верю!
2. Не верю, но интересно
3. Что-то в этом есть
4. Да, конечно!
Всего ответов: 80

Статистика


Онлайн всего: 1
Гостей: 1
Пользователей: 0
 

 

Copyright MyCorp © 2019
Сайт создан в системе uCoz