ГлавнаяРегистрацияВход путь дарго
Джан дерхъав!

Четверг, 17.01.2019, 17:57
  Мой Дагестан Приветствую Вас гость | RSS

 
 
Главная » Статьи » Литература

Уркухъ
Сирх1яла гьарахъти дубуртази диг1янбикили саби Уркухъла ши. Уркухъ савлила зубари ибси саби, бик1ар. Ил ши илцад-дек1ар дахъал дусми биубси ах1ен, бег1ла дахъал х1ябдарш дусцун дургар, илаб бег1гьалабси юрт т1ашбатурли эргъи, дикибти. Ил юрт биалли г1ях1гъабза мурул адамтала някъбани ах1енрину, мут1иг1деш агни са- бабли сунела шилизирад, Кьара-Кьурешлизирад, дуг1каибси, сунес Урикух бик1уси чехьери рурсили т1ашбатурсири. Ил рурсира ак1убсири ит адамла къуймур- дешра балли диннис урехиласилизи халбирути жяв замун- тазир. Илх1ели рурсила жагадеш къадагъабирусири, се- нах1енну диннисван ах1и, ил жагадешлис х1улбук1ри бир- кьути имц1али бири. Рурсила къуймурдешли адамтази ми- житра балли хъумуртахъи. Динна вакилтани ил рурси чус къуллукъличи каэс гьачамцун ах1енри къайгъибарибси. Илдас Урикухлизи аргъахъес дигулри, адамла г1ямрулизиб бег1лара караматласи илини чус къуллукъ- бирни биъни. Урикух балгна руч1ахъес бурсирарес дигули, шейхли илизи лебил Кьуръан багьахъур. Илала г1ергъи илизирад имтих1ян дурцули, ил лебталалра гьалар мут1иг1рарес дигули, шейхли хьарбаили сай: « Се имц1али г1ях1бизура х1ед, дурхъаси Урикух, иш Мях1яммад идбаг- ла жузлизиб?» Рурсили жаваб бедили сари: «Наб бег1ла г1ях1дизурти ик1 кьуръанна урга суратдарибти зубарти сарри, г1урилти лерил сек1ал ц1яб-ц1ударси дугиван бел- гиагарли калун, илди нуни аргъес рирусу, х1урматла адам- ти, х1ушанира ца х1илх1и дуч1ули диадалли». Динна агьлу рурсиличи гьимбук1иб, ва ил шилизирад дуг1аэсли х1укму бариб. Дураили шила дура, ил исбагьи рурси, диннис мут1иг1х1ериъни ва мижитла балгни дуч1ес разих1ерикни сабабли г1елабад къаркъуба иртули дуг1каиб. Амма ил танбих1 барниличилра динна агьлули чула гьими ахъес х1ебиуб. Урикух бик1уси рурси х1еррирули лерси мерличи жагадешличи г1яшикьбиубти, илала гъайличи лех1яхъес дигути, илала дукелц1ила бакьес дигути адамти цах1набиркулри. Башулри илди дигалли гъамти шимазибад, дигалли гьарахъти. Урикух лерси мерличиб сабри харили замана бурк1ути. Ила шадлихъличи башути челис-че бахъ- бик1улри. Ил хабарла бакьибти динна агьлули Урикухлис загьру керт1иб ва ребк1ахъиб. Амма чеалк1уси наслули ил къуймур рурсила у хъумх!ертур, ил ребк!илси мерлаб ши бетаур, ва шилис ил рурсила у бигьиб.


На данном изображении может находиться: гора, небо, на улице и природа
Категория: Литература | Добавил: дарго (08.01.2019)
Просмотров: 12 | Комментарии: 1 | Рейтинг: 0.0/0
Всего комментариев: 1
0
1 дарго  

Добавлять комментарии могут только зарегистрированные пользователи.
[ Регистрация | Вход ]
 
 
Форма входа


Категории раздела
Адаты [27]
Властные структуры [10]
Города и села [33]
Даргинский язык [34]
Имена Дарго [76]
Ислам [34]
История и география [92]
Кухня [14]
Литература [50]
Население [9]
Научно-популярное [91]

Поиск

Наш опрос
Имя Дарго
1. Саид Амиров
2. Ахмедхан Абубакар
3. Батырай
4. Магомедали Магомедов
5. Али-хlяжи Ахъушинский
6. Никого из них не знаю
7. Абдулла-хlяжи Урахинский
8. Алибек Тахо-Годи
9. Магомед-Салам Умаханов
10. Гамид Далгат
11. Магомед Далгат
12. Дауд-хlяжи Усишинский
13. Башир Далгат
Всего ответов: 150

Статистика


Онлайн всего: 3
Гостей: 3
Пользователей: 0
 

 

Copyright MyCorp © 2019
Сайт создан в системе uCoz