ГлавнаяРегистрацияВход путь дарго
Джан дерхъав!

Понедельник, 22.10.2018, 12:43
  Мой Дагестан Приветствую Вас гость | RSS

 
 
Главная » Статьи » Литература

Сукъур Къурбан. Маслис рицай Меседу
Гlумаха гьаргалар русули лерли,
Вай муэр чебаиб, сари чераргъиб:
Вяврикlули бикьу рухънаси нешла,
Раркьибла хlехъибси ура ахъили
- Меседу-у-у! Ва Меседу-у-у!
- Се рикlулри неш?!
Тавхана бицlибти бибг!я талхъунти
Чила чихъалив, неш, гьаб-уб агарти?
Гьаргала бицlибти хlунтlен даруйти
Чила се сари, неш, гьалар агарти?
Азбарра бицlибти хьанцlа тяй урчи
Чила се сари, неш, гьар-ур агарти?
- Тавхана бицlибти бибгlя талхъунти -
Хlу рукес бакlибти ханна нукерти,
Гьаргала бицlибти х!унтlен даруйти -
Хlед кадихьиб, хили, Шушила ханни.
Их азбар бицlибти хьанцlа тяй урчи -
Икl Шушила ханна нукертала сар.
- Марли,рирцулрав,неш,хlунтlен даруйтас?
Хlекьли дирхьулраяв хlярамти магьар?
- Нуни се бариша, дила Меседу?
Хlу хlела дудешли рирцули сари.
Ретухъун, ретацlиб дудешла гьала,
Кlана чебасили бусравкабариб,
Кьукьбачи рикили, тиладибариб:
- Малугаба, дудеш, икl Шуши ханнис,
Ура вайси саби жяргал гавурла.
Макахъаба, дудеш, Къарабагълизи,
Хlерирусну руэс гавур дунъялир.
- Гьайгьай аркахъури Къарабагълизи.
Сен х!елугусири Шушила ханнис,
Ну кайибти хъулри масли дицlалли,
Хlябалра уршилис тяй урчи калли?!
Ахърира хlедакlиб гъариб рурсила,
Барила хlебхьибси шишала улкьай
Абхьили хlерризур унра къатlлизи:
Валкьаурли чейу кьабулил гьалмагъ.
Хlуй лишан дарибгу сунес - хlедагьур,
Някъли дариб - аргъиб. Хъули ацlахъиб...
- Ляркьулрав - дашира, ахlедаарти,
Аркасли рукаба, ханна нукерти,
Уркlилис дигеси убкахlелунну.
- Маслис асай рурси рарх гьайрарили,
Башули абаиб Къарабагълизи...
"Дазайс шин" или ил гъайрухъунхlели,
Чягъирли бицlили тlалхlяна бедиб,
Дахlибайс убушиб цурала гули.
- Ца ну араахъес набчил дакlибти,
Урратурли нура, чардулхъухlели,
Саламти дурая дила нешлизи,
Сунес аргъахъили набчибси зулму.
Ну рициб асибти хlяна тяй урчи,
Хlяна дудеш вебкlаб, г!ергъи деркаба,
Наб багьалис хибти хlунтlен даруйти
Хlябал узи алхаб, жузас дутlаба.
Хlябдарш рурси баркьаб дила дудешлис
Шушила хананас маслис бирцахъес.



Источник: https://www.facebook.com/groups/380592065716954/permalink/421249568317870/
Категория: Литература | Добавил: дарго_магомед (01.04.2018)
Просмотров: 156 | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
 
 
Форма входа


Категории раздела
Адаты [27]
Властные структуры [10]
Города и села [32]
Даргинский язык [34]
Имена Дарго [76]
Ислам [34]
История и география [92]
Кухня [14]
Литература [47]
Население [9]
Научно-популярное [91]

Поиск

Наш опрос
"Даргинцы" П.Кагировой - гимн дарго
1. согласен
2. нет
3. не знаю
4. есть другая
5. нужно немного подправить слова
6. Гимн на слова Абдуллаева Магомедзапира
Всего ответов: 181

Статистика


Онлайн всего: 1
Гостей: 1
Пользователей: 0
 

 

Copyright MyCorp © 2018
Сайт создан в системе uCoz