ГлавнаяРегистрацияВход путь дарго
Джан дерхъав!

Пятница, 22.02.2019, 05:26
  Приветствую Вас гость | RSS

 
 Главная » 2017 » Сентябрь » 25 » Памяти Магомеда Гамидова
23:49
Памяти Магомеда Гамидова
Магомед Гамидов. Дила тилади.

"Тилади саби дила,
Гьалмагъуни, хIушази:
Гьаниркахъабая ну
СархIели шадибгьуйзир.

Нуни гIямрула гьуни
ХIушачил барх ахъира,
Чум гьанкI агар дугурби
ХIушачил дарх деркIира.

ХIушачил варх сайригу
Ну гIяк-гIякикIусира.
ХIушачил вархри нургъба
Забван чяхIикIусира.

ГIямрула вайти-гIяхIти
Дарх ирзира нушани.
Дири нушала кьаслис
Гьар се-секIал мукIурли.

Дила сягIят гъамбиъни
Багьахъур наб зубрани.
Гьанналис чилра хIейуб
Велкъунсира гIямрули.

ХьарикIуйзи бурая
Ну сегъуна вирирал,
ГIямру, шадиб-гьундури
Наб севан дигахъирал.

Бархьаначи бурая,
Ну къалайвирхIейрули,
Набзирти гIяхIти-вайти
ИмцIа-камхIедирули.

Идбагла у бихасра
Ну хIурулгIян ахIенри,
Камли хIергар дилара
ХатIаби, бунагьуни.

Илди агарли гIямру
Чили деркIес виубу?
ДеркIалра, илдас гIямру
Сари викIес вирару?

Дила гIяхIти ва вайти
Умцантачи кайхьалли,
ХьуликIулира гIяхIти
Урдулхъан или декIли.

Гьу, гъай-мез камдарили,
Тилади саб хIушази:
Вихабая уркIбазив
Вахъ хъярхъли хъумхIертурли.

Гьар-урван кайибхIели
Разиси къушумлизи,
АхI-нуъ тяйдидарили,
ТIамадарая набзи."

Газета замана - http://zamana.info/images/Archiv/2017/38.pdf Источник:
Категория: Культура | Просмотров: 369 | Добавил: дарго_магомед | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
 
 
Форма входа


Категории раздела
Афиша
Интервью
Криминал
Культура
Образование
Общество
Политика
Религия
Спорт
Экономика

Поиск

Наш опрос
Имя Дарго
1. Саид Амиров
2. Ахмедхан Абубакар
3. Батырай
4. Магомедали Магомедов
5. Али-хlяжи Ахъушинский
6. Никого из них не знаю
7. Абдулла-хlяжи Урахинский
8. Алибек Тахо-Годи
9. Магомед-Салам Умаханов
10. Гамид Далгат
11. Магомед Далгат
12. Дауд-хlяжи Усишинский
13. Башир Далгат
Всего ответов: 150

Календарь
«  Сентябрь 2017  »
ПнВтСрЧтПтСбВс
    123
45678910
11121314151617
18192021222324
252627282930

Статистика


Онлайн всего: 1
Гостей: 1
Пользователей: 0
 

 

Copyright MyCorp © 2019
Сайт создан в системе uCoz