ГлавнаяРегистрацияВход путь дарго

Прошлое,
настоящее, будущее

Джан дерхъав!

Понедельник, 11.12.2017, 12:43
  Приветствую Вас гость | RSS

 
 Главная » 2016 » Май » 23 » Сергокъалализиб шадлихъ
18:41
Сергокъалализиб шадлихъ
Майла 17-личиб Сергокъалализиб республикала халкьла пагьмуртала "Дагъист хъалибарг" ибси халкьани-ургабси хъалибаргла  БархIилис  хасбарибси фестиваль бетерхур.
Ил дураберкIахъес кумекли детаур ДР-лакультурала Министерство,  республикала халкьла пагьмуртала Юрт, Сергокъалала районна администрация.
Фестивальлизир бутIакьяндеш дариб Сергокъалала районна хъалибаргла 9 ансамбльли. 
Илди сарри Хьар МахIаргибадти  Халимбековхъали-МяхIяммадовхъали,    ХIурехъибадти Идзиевхъали, Мургуклизибадти Ханакаевхъали, ГIяймаумахьилизибадти  МуртазагIялиевхъали, Дегвабадти  Кьурбановхъали,  Мяммауллизибадти МяхIяммадовхъали, Кичи-ХIямрибадти ГIямаровхъали,  Сергокъалализибадти ГIямаровхъали, БалтIамахьилизибадти Мяммаевхъали; гIяхIлала 5 хъалибаргли: Дахадаевла  районнизибадти Ражабовхъали, Ахъушала районнизибадти  Тагъзировхъали,  Лакла  районнизибадти МяхIяммадовхъали,  Лавашала районнизибадти ХIяпизовхъали,  Хасавюртла районнизибадси  Кьурбановхъала  хъалибаргла оркестрли.
Сергокъалала районна администрацияла бекIла заместитель Баркакьади Мажидовли районна бекIла шайзирад цалабикибтас саламтала дугьби дуриб. Илдас арадеш, талихI, творчестволашалти гьарбизуни диубли дигниличила багьахъур. Фестиваль дураберкIнили Дагъиста халкьанала гьалмагъдеш чIумадикIахъниличилара гьанбушиб.
Хъалибаргла творчество Дагъистайзиб культура гьалабяхI башахънилис гьаликIли бетарули саби. Хала бегIтачирад дурхIначи даибти дубурлантала дурхъати гIядатуни мяхIкамдирули сари илдигъунти хъалибаргуназир.
Шадлихъличиб хала бегIтачил барх дурхIни ва дурхIнала дурхIни цахIнабси шадлихъличи ункъли хIядурбиублири.
Илини чебиахъули саби хъалибаргунала ургабси ванадешра. Дигесири гьаларла палтар ва далай-делхъ гьаладихьнира. Шила стадионна сценаличир чедаахъибти хъалибаргунала пагьмуртани цалабикибтала уркIби дебалиразидариб.
Даргала, лакла ва лезгибала мезаначил ВатIайчила, гьалмагъдешличила,  дигайличила…  далуйти зайдикIулри.
Районна адамтани дигиличил кьабулдариб хъалибаргунала лерилра коллективти.
Фестивальла бутIакьянчибачил барх илди булхъулри ва шадлихъ гьатIира гьарзабирулри.
Шадлихъличи цаладикибти хъалибаргуни цахIнабси ца хъалибаргван сарри.
СенахIенну илди мурталра шадлихъла далдуцуназир къаршидиркули гьалмагъдикилри, ва гьар цалабикибхIели цабехIличи цабехIла разидешла хIялани дигIяндарес бирули ахIенри. Иличибли шадлихъ гьатIира жагасили кабизурлири.

https://yadi.sk/i/-STyLV4ervbdM
Категория: Культура | Просмотров: 418 | Добавил: дарго_магомед | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
 
 
Форма входа


Категории раздела
Афиша
Интервью
Криминал
Культура
Образование
Общество
Политика
Религия
Спорт
Экономика

Поиск

Наш опрос
Верите ли Вы в гороскопы?
1. Нет, не верю!
2. Не верю, но интересно
3. Что-то в этом есть
4. Да, конечно!
Всего ответов: 79

Календарь
«  Май 2016  »
ПнВтСрЧтПтСбВс
      1
2345678
9101112131415
16171819202122
23242526272829
3031

Статистика


Рейтинг@Mail.ru

Яндекс.Метрика

Онлайн всего: 1
Гостей: 1
Пользователей: 0


 

Copyright MyCorp © 2017
Сайт создан в системе uCoz