ГлавнаяРегистрацияВход путь дарго

Прошлое,
настоящее, будущее

Джан дерхъав!

Пятница, 25.05.2018, 05:56
  Колонка автора Приветствую Вас гость | RSS

 
 
Блоги » 2018 » Май » 21 » Эдгар По. Ворон - Къяна
12:32
Эдгар По. Ворон - Къяна
Ца замана, цугдуґи, wамсухъулли пикрума
Вучlул джузла вяхlлишив рахитагьулли лиwли
Кьутlла тlама гьанагьур, хапли ну шиwсаргъира.
Дила хъа ундзализи лиwлионни кьутlикlул:
"Охlял мага саяра, ундзализи кьутlикlул?
Охlял ахlи ча иса".

Гlя, нам якьи гьамвирхьур, гьитъойхlе няс дикавир
Пархвикlул ламиличол дяхlцlира варх тяслири.
Шаладихьайши хlалли ирира учlис или
Паргъатвихъис уркlе дард. Дурхъал ула дагl Линор!
Гьалжайзив хlwярулгlянта ихъул дурхъал у Линор
Гьишкlув шинеллахlихъу.

Улкьайширти цlув архlя гьалайхъанти wяшдухъуй.
Уркlаира цахlналли, кьаркьала кьацlхьавуцив.
Уркlилис гьамад вихъис дила дизи икlулла:
"Кьинхьайгьивил охlял сай дила ундзала гьалаw.
Шиwwалкlуй дурайхьивил дила ундзала гьала.
Охlял ахlи чаллахlин"

Урухилис яхlлизиw wатихьира ну дура:
"Шиwwирхи, ча эдлира, - или гъай дахlдихьира, -
Нура уситагьулли, хlура wахъ ахlаргьисли
Гlwяхьли кьутикlухlили вара сарри иргъути
Хlула кьутlла." - икlули ундза авкира: чалла
Агули - цlявдиш ахlи.

Алаwчалли цlявдишри, ну сайри тlашхьайзулли,
Гьаласайхъулли инсай шехlдаивти хьулани.
Wяхъхlе хьалъунна хlалли, амма цlявдиш лихlлири
Гlwянцlли цацун аргъира гlивгlивагьурил: «Линор!»
Гьил саври дила шиwкlиw гlивгlивагьурил: «Линор!»
Вуривил гъайлис джаwав.

Агрила дицl-дардлизиw кьяпдякьираго ундза
Гlурра аргъира кьутла, гьитишив гlурра якьи.
«Никlорил кьутго, – ира, – улкьайла ундза гlилав,
Хlязлис ахlин вургъул дwягl удив дила улкьайла,
Дwягlли сави зямхъвикьул ундза дила улкьайла.
Дwягl сави, гlур си виса».

Авкираго улкьайла ундза - Къяна авирхур.
Сунна цlудара пяхlли джагодякьив мухlлили.
Икрам агули, хамли, сунна адали хъулиw
Холал хlяким тяхlялли ватвихьили хьавиив
Хъар хъули вархьвизулли ватвихьили хьавиив
Хьавиив – гlур си викьо.

Хъумартурра дицl-дардра гъинчl вакlив гьаланаши
Шиваили цlудара къянала куцла хамдиш
Ира: "Хlула хьавизла гъяwдиш, куцла цlудардиш.
Wа вухьна цlудар Къяна, цlудар-цlяв дунелишив,
Ча викlwива хlуд итил цlудар-цlяв дунелишив?"
«Викlлел!» - къwяив къянали.

Wайкуц Къяна тlамали дичу чилла дwягl сатхив
Джаwав валъахlвихьивил, велла селла мягlнагор
Ча ирхагьис ирара, гьилгъуна вис вирару -
Улкьайлизивад къяна цугдуґили вакlили
Хьавиили дай хъули цугдуґили вакlили.
Къяна «Викlлел» улавагl.

Хьавиили вуулли Къяна паргъатли хъули
Сунна уркlила мурад вуривхlилион дуґи.
Хьавиилли гlикlили мухlли, шишахlвулхъули.
Холал гьигь аватурра: «Юлдашуни арвикьwян
Wатулли цацун. Гьишра джагlял джагlялал аркьян»
«Викlлел!» - къwяив къянали.

Гьилгъуна валъвихьивил джаwавли уркlаира.
Ира: «Ашкалли сави, джяwхlейшивад виркъwялли
Гlивсасили вагьулли сави гъай wагlлизивад.
Сайра ургив кьисматли wячlуй сунис кьадарил
Уркlегоривил вархlи гьалайули кьадарил.
«Викlлел!» викlул гъайлизив.

Гьаланашион гlурра кьакьадиш хъумартулли
Гъинчlизулли кицира, хlинтlина пархитlлиши
Хьайира, wякьизулли хlаръира, пикриwхъунна;
«Си вурис вигулерра гьиш карамат къяналис
Си аргьихъис вигулле вяхъхlела караматлис
Мярджа къwяличол «Викlлел!»?»

Гьилъой рахиталгьулли, анцlвукь пикривикьулли,
Къянала цlудар хlулви уркlилизи алтlулли.
Чирагъла шалалиуw wамсулли, уситагьис,
Викl хьаватис вигулли гlwянила някьишлиши..
«Огь, сари къухlахlдилзан гlwянила някьишлиши!
Викlлел ахlдилзан, викlлел!»

Гаwла гулумлизирад шехlдиаслира, хъули
Хlwярулгlянти дакlили, кьолтиши тlинlтгlяйхьадив.
Wяwвъира ахъли: «Язихъ! Даwли дархьиули сай
Агъу – дигайлизиwад ну араwякьис, Линор!
Вирджа агъу, вирджили хlула хъумарти Линор!»
Къянали къwяив: «Викlлел!»

Гlурра wяwъира: «Къяна! Арцанннив, хlу шайтlаннив!
Ведлира хlу Ивлисли вяхlшеивил, вурямли
Гондза удивад хьивил, дила кьакьал вурхлиу
Вура, насивилу нам Хlурхъила дувуртаув
Дарман висара дардлис Хlурхъила дувуртаув?»
Къянали къwяив: «Викlлел!»

Гlурра wяwъира: «Къяна! Арцанниw хlу, шайтlанниw!
Даwлишира, шидиббит дзуври тlинlтхьадякьивил,
Вура: ливличолла дарх гьишкlур гlинджит дирути
Дила рухlлис кlапlдуцис вихьисара гьалжайзир
Дурхъал, дяхlшалал Линор, вихьисара гьалжайзир?»
Къянали къwяив: «Викlлел!»

«Гьил сави лишан дила хъали ватихъис хlузи! –
Wяwъира, харчизулли. – Пяхlли вуин, витяхъи!
Дураса хlула мухlли уркlилизивад дила,
Ардуха хlула къwяни, арцин цlяв дуґилизи!
Ахlхьалъисли къил-хlарзи арцин цlяв дуґилизи!»
Къянали къwяив: «Викlлел!»

Гьилъойхlейшивад Къяна хьавиили вуули
Лив дила чирагълиув, канелла ахlурцули.
Шишахlвухъуй хlарвикlор цlявдишла джин тяхlялли.
Чирагъла шалалиув дяхlцlи сави тlинтlвили
Гьил дяхlцlилиурад дила рухl гlур ахlурцар.
Викlлел ахlурцар, викlлел!
 

Просмотров: 52 | Добавил: дарго_магомед | Рейтинг: 5.0/2
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
 
 
Форма входа


Категории раздела
путь дарго
армия
камни
общество
переводы
политика
путешествия
религия
разное

Поиск

Наш опрос
Ваше мировоззрение
1. Мусульманин
2. Христианин
3. Я даргинец!
4. Агностик
5. Атеист
6. Иудей
7. Буддист
8. прочее
Всего ответов: 199

Календарь
«  Май 2018  »
ПнВтСрЧтПтСбВс
 123456
78910111213
14151617181920
21222324252627
28293031

Статистика


Онлайн всего: 2
Гостей: 2
Пользователей: 0


 

Copyright MyCorp © 2018
Сайт создан в системе uCoz