ГлавнаяРегистрацияВход путь дарго

Прошлое,
настоящее, будущее

Джан дерхъав!

Воскресенье, 19.11.2017, 09:33
  Колонка автора Приветствую Вас гость | RSS

 
 
Блоги » 2017 » Сентябрь » 13 » Аждагьа
11:26
Аждагьа




Wерхlал дувулла, wерхlал урхьула
Итшягlив ливли вуили сави
Ца ше дувлишив хlо ше гlинидз
Ливилла ше халкь шин гlяхъяс вашул.

Ца ургав хапли вагьари вили
Хlявал викlла вагl wайна аждагьа
Шихьавуцили ваягъи гlинидз
Wалтули ахlин кицихъис чалла.

Агули шин чус гlяхъясил муса
Мулъули вувкlули сави ливилла
Гьуявикlули виштlа-холати,
Хьунул-дурхlяра, вухъна-хъияра.

Шилизив ливти вегlла чlумъати
Вегlла къуwатти гъувзни дяwличол
Дуравухъуйри аждагьаличол
Амма важарди ахlилли цалла.

Арвикьяй сави гlяхlна замана.
Акlуй сай шилизиw ца иштlал гъовза.
Дуги-хlирехlъили усра усули
Хlявлис кьадин укра укули сайри.

Гьар дуги дигlяй гlиндзи wашули
Дурхъати шера уджули сайра
Царилти дурхlнион дусмаши ахlи
Хола икlулли гьар сягlятлиши.

Сунила къугъни, халкьла гlязавти
Шидиухlили гьимидулхъули
Хъwи вякьили сай никlа гъовзали
Гlинидз ватихъис аждагьализи.

Дисули сари, гьуядикlули
Адай: "Wа дила ахlарил урши
Хlу махlуриллив, кани аркьwялле?
Хlу ахlукьядли холати камлив?"

Лихlахlизули адайла гъайлиши
Дураухъуй сай гlяхlгъовза урши
Wатихьили аили сай гlинидзличу
Вусули варгили сави аждагьа.

Занкlухъуй сай, шиваргъихъис.
Гlясси вили сави аждагьа.
Гаwлира цlалира тlутlувикlули
Wайна тlамали викlули сави:

- Хъяша, валлулиw, кани wакlиллел?!
Пикри ухъадиw занкlухъис гьалаw?
Хlушивра чlумъати, цlакьти, къуwатти
Чум гъовза алхуял гьешкlув валуллиw?

- Лирилла далукъе wакlивилла ну, -
Икlули сай урши, урухахlили.
- Халкьлиширти хlула гудж-зулму урасис,
Гlинидзла ари халкьлизи витхьис.

Гlяксавикlули сави аждагьа:
- Хъяшначу дяwли дураухъасли
Халкь дукаркlули мучлахlикьура
Ахlирус хlучу ну дяwта икьис.

Гьари цараон wаши джал арзис:
Рахли дила хlявал суаллис
Джаwав гис хlуни ахlедли вагьи
Хьавшили хlура угайри нуни.

- Гlяхlна, - или кьавулихьив урши.

- Цаисил суал гьишгъуна сави:
Гьари вура вегlла муръил си савел?

Вусул замана шиваргъихъивил
Аждагьала сион джунджри дакlивал
Шиваивил урши икlули сай:

- Валасра, вегlла муръил гьанкl сави.

"Сион гьамадли вагьура" - или,
Уркlхьавухъунил аждагьала викl
Дикlархьавили гирвухъуй сави.
Амма мукlур вакlили ахlин:

- Кlwиисил суал сави гьишгъуна:
Вура си савел вегlлара кантlил?

"Ахlвалас" или ис ахlирули
Пашманни сунна адайла гъайра
Сай ляwикьул адайла някъра
Гьандихьили хапли икlули сай:

- Вегlла кантlити - адайла някъви!

Цагlи викl къяввили къада-къадахьад
Гирвухъуй сави. Кlwел викl агули
Джан адурхули, усал вихьивил
Аждагьа вара викlули сави:

- Си савел вегlлара хъярхъил валаду?

Гьаларти суалти къийн духъунил
Замана сион лирилла сикlал
Гьамдихьивил пикри вякьили
- Валасра, - икlули сай джагьил гъовза.

- Вегlлара хъярхъил - адамъэ пикри!

Уршили гьилди гъай дуривичу
Хlявъисил викlра дикlаравили
Къада-къадахьад  гирхьавухъуйри.
Варх аждагьара вивкlили гwирвизур.

Чус чула гlинидз вихьили или
Хlинна викьули разили тиври
Вукули вуджули шилизив шанти.
Нура икьwяй ши уджуй wакlира.


Категория: камни | Просмотров: 97 | Добавил: дарго | Теги: хавар, скаСка | Рейтинг: 5.0/2
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
 
 
Форма входа


Радио dargo.ru

Категории раздела
путь дарго
армия
камни
общество
переводы
политика
путешествия
религия
разное

Поиск

Наш опрос
Верите ли Вы в гороскопы?
1. Нет, не верю!
2. Не верю, но интересно
3. Что-то в этом есть
4. Да, конечно!
Всего ответов: 79

Календарь
«  Сентябрь 2017  »
ПнВтСрЧтПтСбВс
    123
45678910
11121314151617
18192021222324
252627282930

Статистика


Рейтинг@Mail.ru

Яндекс.Метрика

Онлайн всего: 1
Гостей: 1
Пользователей: 0


 

Copyright MyCorp © 2017
Сайт создан в системе uCoz