ГлавнаяРегистрацияВход путь дарго

Прошлое,
настоящее, будущее

Джан дерхъав!

Среда, 22.11.2017, 01:53
  Колонка автора Приветствую Вас гость | RSS

 
 
Блоги » 2017 » Август » 27 » Зилпlипlи
13:46
Зилпlипlи

Wерхlал дувулла, wерхlал къадала
Итшягlив ливли вуили сави
Хlархьавирули ца ше дувлишив
Ада-авара, иштlал уршира.

Сай гьарзамана "Зилпlипlи" или
Далай икlули wашни вагьандан
Сунис ливлелла Зилпlипlи викlул
У авихьили вуили сави.

Ава дашули дуули сари
Кьар вирдис wацlа, кьадализирад.
Wарх Зилпlипlира ихьани сайри
Някъ хьавуцили ахlитяхъисли.

Гьачам варх кlwелла ца дякь вуцили
Аркьwял замана джагол хъалира
Алаw вуцивил гlинцви-хъярвела
Ца гlяхlна анхъра къаршидихьилли

Ава дикlули сари: - Wа дила
Ахlарил урши, си вилахьалли
Хlу гьих Wагьигла анхълизи wари
Я хъулли алаw кицмайруд, - или.

Ца вархlи ава гlилар датулли,
Сунила сайцун хъули лиwкьяли
Урши ваягъи wагьигла хъайчу
Дураитухъуй сай wархьизулли.

Хlярилишиwхьад тясхьавхъуй урши
Эрхуй галгала вегlла хъаллиши,
Ца къяввякьили гlинц сай вукули
Кlwиисил шалкlу дигlян викьули.

Гlинцва луцlули галгала шидиw
Лиwли Зилпlипlи чарвили сави
Хъа дагl Wагьигра, гьилгъуна wайго
Патlинчяй викlул сунна рурсира.

- Хlула авас wатла мукьара
Силикьулле, гъарив, гьилкlу эрхулли? -
Или ляwхьдухъуй сари уршилис
Wагьиг, вигули сай иргlяхьаргис.

- Wелахlинна, лиwра, гlинцва укули, –
Джаwав къантвякьили сави уршили,
Хlянчlвикlул мухlли тlашахlаили.

- Гьари-гори хlула авасра ца гlинц
Вакlихъагори, дахъ хьулдиллану, -
Или гъай гlурра малхlям дякьили
Сари гlямултар Wагьиг-аваан.

Гlинцлиши или зузихьивхlили
Wагьигли галга гьакlарвякьили
Гаwлагла ухlна уwяхlушили
Хъар вигьуй арухив сунила хъули.

Рурсира сарра алаwвакlили
Урши шанглизи лайаwакlили
Шанг шевизулли сави цlалиши,
Ца холал кивхьа шидивихьили.

- Wари хlардикlwин цlа ахlвяхlяхъяс, -
Или датулли сунила рурси
Wагьиг ардикьwяй сари урцуйши.

Ца ургав шангла вухlнавад тlама
Дуравихьили сави далайла
- Гьай-гlяйив дила, Зилпlипlи-пlи,
Дигlяндякьивти, Зилпlипlи-пlи,
Арцла wаяхlра,  Зилпlипlи-пlи,
Дахъал мургьира, Зилпlипlи-пlи.

Аргъис вигули кудил мусанир
Саррел мургьи-арц дигlян дякьивти 
Патlинчяй ахъли дикlули сари:

- Хlявра джаголи далай икlули
Хlу лиwри кьалли. Гьари гьачамгlи
Тlама дакьари, wел аргъирану.

- Джаголи аргъис вигули дедли,
Шангла шидивил кивхьа уваса.

Ца-вара кивхьа гьаргавякьили
Рурсили лихlви дингдатуллири.

- Зилпlипlи, - или вара аргъисли
Гlуррара гlwяхьли далай или сай.

- Wел иргъуллану, ахълион аго!

- Джаголи аргъис вигули дедли
Гlурра ца камил кивхьа гьаргвакьа.

Патlинчяйли кивхьа авкили савиго,
- Зилпlипlи-пlипlи! - или wяwъили
Дуцили Патlинчяй зуздякьили
Шангла духlнарад дагьар дякьили
Сай тясхьавхъуй дуравхъуй сай
Шанглиши кивхьа шивитихьили 
Сай хъалши эрхуй дигlянили сай.

Wайгlир гушдили Wагьиг чардили
Сари урцуйчол, мах гlиляхъили.
Каниралла сунна рурси агули
Диргули сари: - Хlула тwяlхми дургl! 
Гьиш рурси к​​​​​​ани чара дикlоне?! 
Вуривил гlягlни сен ахlвикьане?! 
Хlула  гlямал вуъ, чуъна икlоне?!

Wагьигли шангла кивхьа авкили
Холтlдухъуй сари кошинличол
Вакlили сави вилхьунил някъ.

- Хlявилла дила Патlинчяйлайши
Мишуран някъ ливкьалли, - или,
Ташмиш дилиго, амма сунила
Дахъ гушдивдишли виркуй сави.

Ахlдилкъуй гlурра холтlдухъуй сари
Вакlихъили тlwяхl, виркуй сави.

- Хlявилла дила Патlинчяйлайши
Мишуран тlwяхl ливри кьалли, -
Или гlурра ташмишли
Хахамдухъуйго вакlили сави
Гъизва вицlивил Патlинчяйла викl.

Дахlдили сари Wагьиг чlярдикlис
- Wа гьуя дила, вегlлара джагол!
Вегlлара духул! Ахlарил рурси!
Сен гьилъой джяwли гъу алхунилле?
Сен нуцун хьалъуй хlу дивкlивилле?

Хапли хъалшивад "Зилпlипlи" - или
Тlама аргъили сари Wагьигли, 
Амма кудадал вагьулли ахlин.

- Каниwре урши? Wаши авачу, -
Или ляwхьдухъуй сари гlуррара.

- Хъалшиw лиwра аwруша виркис
Хlядур икlулла, - или сави.

- Силикьулле гьилкlуw, хlула авас wат,
Увяхlхьяхъиго. Тlималла вагьихъис
Авасра вихану аwруша кесек. 

- Аwруша вигадли, хlулви гlикlили,
Мухlли гьаргвакьа лайхьавикlусну

Вурив тяхlялли хlулви гlикlили
Мухlли авкили сари Wагьигли
Аwруша кьякь лайхьавакlили
Сави Wагьигла дувша вархьли.

- Хlявилла видзил ливри кьалли
Гlур агуw? Вихаго, - дикlули сари.

- Сен агорила, лив холал вегlе
Холал вигали хlуни дируйгlив
Мухlли гьаргвакьа, хlулви гlикlили,

Wагьиг сари аъхьадяхъяли,  
Уршили асили пичла кьяпlила
Мякьливад цlаон вимджурил хlункъа
Wагьигла кьаклизи иwгьили сави.

Вуцlарил хlункъа арвикьwяй койзи
Wагьиг гьитсягlят дивкlили сари.

Гьилзамана гьилкlу чула урши
Иттяхъивхlили къяйцlвикlути
Ада-авара вакlили сави.
Гlур варх ливилла арвикьwяй чула
Хъайги разили хьавиили сави.

Гьанахlара тив хlархьавирули.
Нура икьwянна, аwрушалира
Гlинцви-хъярвара укуй илкъунна
Хlушази вурис вигули далай
Зилпlипlиини  вучlул вилкlунна:

Зилпlипlи-пlи, бум, 
Зилпlипlи-пlи, дум,
Зилпlипlи-пlипlи, бум-бум,
Зилпlипlи-пlипlи. дум-дум,
Зилпlипlи-пlипlи, пlиииииии.

 

Категория: камни | Просмотров: 73 | Добавил: дарго | Теги: хавар, скаСка | Рейтинг: 5.0/2
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
 
 
Форма входа


Радио dargo.ru

Категории раздела
путь дарго
армия
камни
общество
переводы
политика
путешествия
религия
разное

Поиск

Наш опрос
Ваше мировоззрение
1. Мусульманин
2. Христианин
3. Я даргинец!
4. Агностик
5. Атеист
6. Иудей
7. Буддист
8. прочее
Всего ответов: 198

Календарь
«  Август 2017  »
ПнВтСрЧтПтСбВс
 123456
78910111213
14151617181920
21222324252627
28293031

Статистика


Рейтинг@Mail.ru

Яндекс.Метрика

Онлайн всего: 2
Гостей: 2
Пользователей: 0


 

Copyright MyCorp © 2017
Сайт создан в системе uCoz