ГлавнаяРегистрацияВход путь дарго

Прошлое,
настоящее, будущее

Джан дерхъав!

Вторник, 26.09.2017, 03:09
  Колонка автора Приветствую Вас гость | RSS

 
 
Блоги » 2017 » Май » 20 » Ватирайлис
11:34
Ватирайлис

1.
Хlулацад хlурмат агу даргола гондзалишив
Мицlилли хьалъадра хlу халкьла уркlвазиw даим.
Хlуд гьалаw цалла поэт агухlили даргола
Хlуни вилчlуй гlивсасис сион лукlантел далай
Кьадар вив хlуни нушим сагал дякь шиваихъис.
Цаисил поэт сайри, wа Гlямалла Ватирай.

Чумра дус хьалъунна ну ахlвигули гьишди гъай
Дурис, хlула нам джаwав г'ис имкан агухlили.
Урус мидзли дилкlунти чумра дуунна нуни
(Гьишдира хайрехlвирар царилти мидзли дурис)
Гlягlнити ахlин или дурала халкьлис аргъис
Нушила ург'арти гъай, wа Гlямалла Ватирай.

Хlявал джурала далай гlwямрулизир дилчlади
Дигайла далуйтачол гlяхъивти ахъанайтас 
"Кlарахъан Мяхlмудгъуна дигайла далайчири" -
Или лихlхьахъалири уира лихlхьяхъили
Мухlли вуцили нура, wа Гlямалла Ватирай.

Амма итилти кlwелла джура хlулла далуйти
Гlилавадти насавли агорил шивиули
Царилти халкьлис гаплиc сави холавирхулли,
Чус сави виргlявили, къwяна вугьули вели,
Нуша цlах хьадикьули, уишаw лихlхьяхъили,
Wа Гlямалла Ватирай?

Холал къайгъи вякьира чуъна-чуънара дилчlуй
Хlула далайла джузи, дитихъwяли дитхlалла,
Садихъwяли сатхlалла, ахlира варг'ис нуни
Нушила халкьлис гlиврат. Гьилвагьандан хьардаис
Вигулла ца-кlwел суал, wа Гlямалла Ватирай.

2.
Цаисил хьарвиани гlяхlгъовзашила сави.
Хlула далуйти дилчlуй вагьис ахlира нуни
Уривил гъовза хlула си гlяхlдиш вякьили, шис,
Ахъаwцили гlяхlгъовза итагьухъурила сен?
Суниини вякьивил джагол варкьуди вели
Хъулки я хъям ахlвели, сен дигlяна викьане,
wа Гlямалла Ватирай?

Сигъуна гlяйив ливли, сигъуна wай вякьили,
Гъану шура дус ивил гъовза wархьаивилле
Сибиллизиw ивкlисли?
Сай пякьиллис гlиwхьаwхъуй wархьаивил элири,
Хавар холавякьили сен ахlвагьухъурилле
Аждагьашила къwяни силис гьаладихьивте,
wа Гlямалла Ватирай?

Си вагьанден улхlли сай джагьли лиwай хьаwшива?
Wатlан ватихъис или дураwхъунил элири,
Сен гьилъой или хlуни далай ахlвилчlунилле?
Ахlи хъулки-хьямлиши дураwхъуй я къалмакъар
дякьили сай хьаwшиву?

Wаймукьара ирарго къаркъаон чlумъал уркlе,
Даршлизи ца ухъари къачагъра камахlирар,
Сайриw хlула гъармука, wа Гlямалла Ватирай?

Вегlла хlула замана гъовзнашила учlули,
Далайикlухlили хlу
Кlарахъан Шамичу* варх чула Wатlан вагьандан
Дитуг'ули азадлис чула урхlагорти джан
Хlи хьартlули вургъути вагьадуртас хlявал гъай
Ахlирадив гьандушис, wа Гlямалла Ватирай?

Пачала зулмулиши къаршили ахъвивхlили*
Дагъиста вегlла гъувзни, каниwре хlула гъовза,
Я хlу шила дурхъиwре, мухlли шини вигьуйре,
Wа Гlямалла Ватирай?

Вара холаваивти гlяхlна-wайна руркъwяти
Никlа джагьтас гlяхlгъовза гlиврат вурис вигасли
Хlула джуз ахlвитугас, wерхlна ча си икlолла,
wа Гlямалла Ватирай.

3.
Wерхlна ахlвигадлира, хlузи хьарваис вигул
Кlwиисил сикlал дила: хlу нушила уривил,
"Шадиw-гьуйшиw, туйлишиw агули гlямал агор
Пагьмушиw далайчири даргола" - или викlор.
Гьилъойкъе холал гъаза вякьивилгъунари хlу
Шиwухъуй вегlла вузул даргола гондзалишив
Гъай ахlвякьис вигули.

"Хlула замана агор ахlвузул гъай саврера" -
Или икlwис ахlирар, сенахlинну ца гьачам
Вакьади хlуни сарин  хунджи хиwа дицlнилис:
"Мургук-Вурдухьла шими дуслиши дус духъули
Чула хlявкьярякьли дирхъ" - или аргъив ливлелла.

Даргола далайчи сай или сион икlwоне 
Гьачамалла "Джан дирхъав! Гlwямру дирхъав!" ахlъивис?!
Хlула джан насавлизир wерхlна-wерхlна дирхъавну,
wа Гlямалла Ватирай!

Wашули шимазиwад, мискин тяйдиикьули,
Шилизивти хlякимти шиваис хьурайрули,
Совет хlукуматлизир гlякlнашила дурути
Къwяни пучхьадикьули хlула вигути гlwяхlли -
Шилизивти холати юзвашира, кьадира
Сави икlулли хlуну, чумра амчlа кьwя къача
Дилгьухъуй чузи хlуни, lиркlади шадив-гьуйшир
Устlо гlила хьайили, wа Гlямалла Ватирай.

Къанда къачалa диъви, хlинтlин дидж хьадихьили,
Укули уджухlили дякьили wагlлис валга,
Ца-хlявал джаготи гъай, сен гьачамаллахlъадде
"Джан дирхъав!" или хlуни, wа Гlямалла Ватирай?

Гьачамалла "Джан дирхъав!" ахlъили уадлира
Гьил хlула ихтиярну, уира лихlхьяхъили.
Амма сикlулла или "Wярхlя wагl" икlонире
Гьиш дунела шиwяхlил мусни дзуврела wагlлис?

Гьалла вис хайри вирар къийин вухъун замана,
Кьакьадишли wа дардли дунья цlудар-цlяв вирул,
Wагl шакрахlихьили уркlи кlантlивирули
Дуравухъуй усал гъай wагlла вагьа вулъули.
Ахlиргъира нунира гьил хlула пайдагор гъай
Дилчlуй эдлири хlуни акlнилиши разили
Ливиши хlиннайкьули дунела лигlматунас
Варкалла или Даwлис* ца-хlявал дидза-далай.
Амма ахlира дарг'ис гьилдигъунти хlула гъай.
Далуйти ис ахlирус хlула чlиллайтас нуни 
Wа Гlямалла Ватирай.

-----------
Гlямалла Ватирай акlунил сай цадахl ваянти хlясивли 1917 ивил дуслизиw, царилти ваянти хlясивли - 1920 ивил дуслизиw. 

* Кlарахъан Шамиль ясир уцивил 1859-ивил дуслизиw Гl. Ватирай 42 (39) дус или ирив. 

* Пачала хlукуматлиши Дагъистайзив восстание ахъвуцивил 1877 ивил дуслизиw Гl. Ватирай 59 (56) дус или ирив. 

* Даргола "Даw, даwла" - урусла "бог, богатство" сави.


Категория: камни | Просмотров: 69 | Добавил: дарго_магомед | Рейтинг: 5.0/1
Всего комментариев: 1
0
1  
В качестве предисловия: "Нам некогда читать Батырая - мы им гордимся!"

Добавлять комментарии могут только зарегистрированные пользователи.
[ Регистрация | Вход ]
 
 
Форма входа


Радио dargo.ru

Категории раздела
путь дарго
армия
камни
общество
переводы
политика
путешествия
религия
разное

Поиск

Наш опрос
Верите ли Вы в гороскопы?
1. Нет, не верю!
2. Не верю, но интересно
3. Что-то в этом есть
4. Да, конечно!
Всего ответов: 79

Календарь
«  Май 2017  »
ПнВтСрЧтПтСбВс
1234567
891011121314
15161718192021
22232425262728
293031

Статистика


Рейтинг@Mail.ru

Яндекс.Метрика

Онлайн всего: 1
Гостей: 1
Пользователей: 0


 

Copyright MyCorp © 2017
Сайт создан в системе uCoz