ГлавнаяРегистрацияВход путь дарго

Прошлое,
настоящее, будущее

Джан дерхъав!

Воскресенье, 22.04.2018, 02:01
  Колонка автора Приветствую Вас гость | RSS

 
 
Блоги » 2016 » Ноябрь » 17 » Гуглахlяй
11:35
Гуглахlяй
Ливли сави нушила
Wацlализив гуглахlяй.
Суннара лилли сари
Джаготи хlявал дурхlя.

Ца замана гушвили
- Аw!-Аwww! - или вучlули,
Вихьаллигlив хъямлигlив
Дуравухъуй вицl ливри.

Wацlализивил дwягlли
Хьанца вицлlа къянкъличу
Гуглахlяйла гwягl сатхив
Гwягl дуцили ватвихьив

Галгалиширти дурхlни
Шидаили викlули
Сави гуглахlяйлизи:
- Лайхьавакlа ца дурхlя!

- Сен лайвикlане дурхlя,
Гашукь, хlузи вирґихъис?
Гlямал вуавну хlула,
Вашин гьуни вухили!

Гlяссивили хьанцlа вицl
Кьярждякьили холати
Далкlо цулви викlули
Сави wайна тlамали:

- Иш хъу дила, хъу дила!
Хъушивил галга дила!
Галгалишив хlу дила!
Хlу урти дурхlни дила! 

Мамвикишаwww, гуглахlяййй?!
Кьацlвикишаwww, гуглахlяййй?!
Кошин-кlуцlул дячишаwwww?!
Лайхьавакlа ца дурхlя!

Урухвили гуглахlяй
- Хlара-хlара, wададай! -
Или лайхьавакlили
Сави вицlлис ца дурхlя.

Ца витхьасли шиввирхьур
Гlур ахlкьянну, итилти
Дурхlни мицlилли хьалъан
Или пикривикlули.

Амма шивахlвихьили
Wайвухъян вили хьанцlа
Тlимсагили дурхlнела:
- Аwww! - или вагьаривив,

- Иш хъу дила, хъу дила!
Хъушивил галга дила!
Галгалишив хlу дила!
Хlу урти дурхlни дила! 

Мамвикишаwww, гуглахlяййй?!
Кьацlвикишаwww, гуглахlяййй?!
Кошин-улa дячишаwwww?!
Лайхьавакlа ца дурхlя!

Мухlлира лямвикьули
Гьарзамана вашули
Гуглахlяйла лирилла
Дурхlя дирґун wайгоан.

- Агьи! - или висули
Сави дицlливикьули, 
Гуглахlяй цунхьавухъуй
Суничол чаллагули.

Аргъили виса тlама
Хапли хаварагули
Вагьаривили сави
Wайти гlямултар гурда.

- Сен висулле, гуглахlяй?
Си витагьурил лива?
Вура дизи хlула дард
Хlудра гьамадвирарну.

- Я гъарив, ахlвисули 
Сион вуанира ну, 
Дирґуй дели хьанцl-вицlли
Дила ахlарти дурхlни? 

- Wари мависуд, - или
Махвякьили гуглахlяй, 
Гlиввурули гурдали, 
Вякьили сави сегуг.

Викьwяй гlямултар гурда: 
- Хьадулхъахlану ваши, - 
Или виргlяваргили
Атхьили сави wайго.

Хьаватулли кlwилелла
Сегуглиши къурумсакъ
Дзувраши аваайши
Гьакlвикlухъули сави.

Гьачам гьакlвухъунхlили
Датхьадухъуй кlwелла някъ
Гирхьавухъуй къадани
Кони варгвирдив вицlла

Сунна конарад дурхlни
Дурахьадухъуй сари.
Гуглахlяй разивили
Сави хlиннавикьули

Дурадухъуй майдайши
Дурхlни далайдикlули
Сари, динда вяхъяли: 
- Къиндир-къиндир, къавача

Хьанцlа вуцlела хlяка,
Хlяw-вуцlела дулгъуви,
Вицlла кона дикьянна
Нуша хъули дакlира.

Категория: камни | Просмотров: 268 | Добавил: дарго_магомед | Теги: хавар, скаСка | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
 
 
Форма входа


Категории раздела
путь дарго
армия
камни
общество
переводы
политика
путешествия
религия
разное

Поиск

Наш опрос
"Даргинцы" П.Кагировой - гимн дарго
1. согласен
2. не знаю
3. нет
4. есть другая
5. нужно немного подправить слова
6. Гимн на слова Абдуллаева Магомедзапира
Всего ответов: 181

Календарь
«  Ноябрь 2016  »
ПнВтСрЧтПтСбВс
 123456
78910111213
14151617181920
21222324252627
282930

Статистика


Онлайн всего: 1
Гостей: 1
Пользователей: 0


 

Copyright MyCorp © 2018
Сайт создан в системе uCoz